活出真我：一個人的旅途

從來冇諗過2011年一個人自己出走，開展自己的旅途，竟然會將自己帶到今日行緊嘅呢條路上 － The road less travelled。

呢六年，去過超過30多個國家、150多個城市。講嘅唔係數量，而係當中睇到既有幾多。一個人去旅行睇到嘅嘢好唔同，經歷嘅嘢都好唔同，有陣時好難用言語去解釋。

一個人去旅行最大得益者係自己，能夠跳出自己嘅安全區一啲都唔容易。睇到嘅自己好真實。睇到自己呢六年嚟嘅改變實在覺得當初嘅決定很正確。

我成日講，人每一刻都係度做選擇，每一刻都要做決定，所以每一刻都可以改變自己嘅將來。我好開心能夠跳出自己嘅舒適區，創造自己想擁有嘅將來。

人生每一個角落都充滿驚喜，我今次想講嘅經係真係估唔到自己一個人旅行可以被邀請成為講者嘉賓，同大家分享一下我當中嘅覺悟、當中嘅樂趣、當中的得著等等，真係覺得好榮幸。

重點唔係話一定要去旅行，重點嘅係大家諗下點樣可以跳出自己嘅舒適區。了解自己，從而活出真我。咁當然大家都可以嘗試下踏上一個人的旅途。

我會用以下呢一個句子，好概括咁講我呢六年嚟最大的啓示：

"活著是一種福氣，所以要活得更精彩"